ព័ត៌មានជាតិ

សម្ដេច​កិត្តិ​ព្រឹទ្ធ​បណ្ឌិត សម្ដែងការសោកស្ដាយចំពោះមរណទុក្ខលោកជំទាវឧកញ៉ា ស៊ុយ សុផាន

សម្ដេច​កិត្តិ​ព្រឹទ្ធ​បណ្ឌិត ប៊ុន រ៉ានី ហ៊ុនសែន ប្រធាន​កាកបាទក្រហមកម្ពុជា បាន​សម្ដែង​នូវ​ការចូលរួម​មរណទុក្ខ​យ៉ាង​ក្រៀមក្រំ​បំផុត ជាមួយ​ក្រុមគ្រួសារ​សព លោកជំទាវ​ឧកញ៉ា ស៊ុយ សុផាន ដែល​បានទទួល​មរណភាព នៅ​ព្រឹក​ថ្ងៃទី២៩ ខែមីនា ឆ្នាំ​២០២១ នេះ វេលា​ម៉ោង៧និង៥៥​នាទីក្នុង​ជន្មាយុ ៦២​ឆ្នាំ ដោយ​រោគាពាធ​។​

ក្នុង​មរណទុក្ខ​ដ៏​ក្រៀមក្រំ​នេះ សម្ដេច​កិត្តិ​ព្រឹទ្ធ​បណ្ឌិត បានចាត់ទុក​មរណភាព​របស់លោក​ជំទាវ​ឧកញ៉ា ស៊ុយ សុផាន គឺជា​ការសោកស្ដាយ​បំផុត និង​ជាការ​បាត់បង់​ភរិយា ម្ដាយ និង​ជីដូន​ដ៏​ល្អ​មួយ​រូប​ប្រកបដោយ​ព្រហ្ម​វិហារធម៌ ដែល​ជាទីគោរព​ស្រឡាញ់​របស់​កូនចៅ និង​ក្រុមគ្រួសារ​ទាំងអស់​។ សម្ដេច​កិត្តិ​ព្រឹទ្ធ​បណ្ឌិត សូម​ឧទ្ទិស​បួងសួង​សូម​ឲ្យ​វិញ្ញាណក្ខន្ធ​លោកជំទាវ​ឧកញ៉ា ស៊ុយ សុផាន បាន​ទៅកាន់​សុគតិភព កុំបី​ឃ្លៀងឃ្លាត​ឡើយ​៕​

Leave a Reply

Your email address will not be published. Required fields are marked *